مامۆستا کرێکار

سزای رۆژوو نه‌گرتن چیه؟
که‌سێک که رۆژوو ناگرێت پایه‌یێک له پایه‌کانی ئیسلامی رماندووه، به‌ڵام زۆرینه‌ی زانایان ئه‌فه‌رموون که پێی کافر نابێته‌وه. که‌سێک که نوێژه‌کان ئه‌کات به‌ڵام رۆژووه‌که‌ی نه‌گرتووه ته‌بعه‌ن که‌لێنێکی گه‌وره‌ی تێ که‌وتووه. بۆ گه‌وره‌یی و خه‌ته‌ری ئه‌م مه‌وزووعه‌ که که‌سێک رۆژوو نه‌گرێت بزانه پێغه‌مبه‌ری خوا – علیه ‌الصلاة والسلام – چی ئه‌فه‌رموێت: ئه‌گه‌ر یه‌کێک به عه‌مده‌ن یه‌ک رۆژی ره‌مه‌زان بخوات، ته‌نها یه‌ک رۆژ! ئه‌گه‌ر ساڵه‌که هه‌مووی به‌رۆژوو بێته‌وه ناکاته‌وه ئه‌جری ئه‌و رۆژه! قه‌رزه‌که‌ت له سه‌ر لا ئه‌چێت به‌ڵام پاداشتی وه‌کوو ئه‌و رۆژه‌ی خودی ره‌مه‌زانه‌که نابێته‌وه، ئیتر تۆ بۆچی رۆژووه‌که له ده‌س خۆت ئه‌ده‌ی؟ چ زه‌ره‌رێکی گه‌وره ئه‌که‌یت به‌مه، چ گوناحێکیش دێته پاڵت یه‌عنی سه‌یری که‌ن ئینسان کاتێک که شتێکی وا ئه‌کات یه‌که‌م له پاداشته‌که مه‌حرووم ئه‌بێت، تۆ ئه‌توانی قازانجێکی زۆرت ده‌ست که‌وێت به‌ڵام پشتت تێ کردووه! وه‌کوو ئه‌وه‌ی یه‌کێک خانوویێکی ده‌س نه‌که‌وتووه خانووه‌که‌ی خۆیشی رووخاوه! تۆ بڕۆی سه‌یاره‌یێکت ده‌س بکه‌وێت به ئاسانی که‌چی سه‌یاره‌که‌ت ده‌س نه‌که‌وێت و سه‌یاره‌که‌ی خۆیشت بفه‌وتێت! هه‌موو شتێکی ئه‌مه وایه که گوناحت دێته سه‌ر و له پاداشته‌که‌یش مه‌حرووم بوویت؛ خوای گه‌وره لامان دات.

گەڕان