عوله‌ما به شێوه‌یه‌کی گشتی راجوێن له‌سه‌ر ئه‌وه‌ی که خێری قورئان خوێندن هه‌دیه بکرێت بۆ که‌سێکی تر؛ هه‌ندێک ده‌فه‌رموون ناگات به مردووه‌کان، هه‌ندێکی تر فه‌رموویانه به‌ڵێ ده‌گات و ئه‌مه بۆچوونی زۆرینه‌شه. واته ئه‌و خوێندنه‌ی که بۆ نموونه من ئێستا قورئان ده‌خوێنم و دوایی ده‌ڵێم یاڕه‌ببی خوایه سه‌وابی ئه‌م قورئانه‌ی که خوێندوومه بیگه‌یێنه به دایک و باوکم و به خوشک و براکانم و به که‌س و کارم، به مردووه‌کانم. به‌ڵام بۆ زیندووه‌کان وا نازانم پێیان بگات؛ بۆیه جه‌نابیشت ته‌رکیزی بکه‌یته‌وه سه‌ر هه‌ندێک که‌سی تایبه‌ت باشتره، سه‌ر دایک و باوکی خۆت یان مردووه‌کانت که عه‌زیز بوون له لات و بۆیان بنێریت ان شاء اللّه.