هۆكارو شێوازی كار: یەكێك لە رەحمەتەكانی خوای پەروەردگار بە هەڵگرانی پەیامەكەی ئەوەیە كە نەرم و نیانییەك لە گەیاندنی بانگەوازەكەدا هەیە، تا شوێنكەوتوانی بتوانن لەگەڵ هەموو بارودۆخێكی جاهیلییدا هەڵكەن.. بە مەرجێك لەسەر حسابی ئاشكراكردن و راشكاوێتی عەقیدەو مەنهەجی نەبێت.
ـ دەشێت لە بارو دۆخێكدا بـبزوێین كە ئەهـلی ئیسلام و ئەهـلی كوفر تێكەڵن و یاساو رێسایەكی پارسەنگ بارودۆخی هەموانی بە ئاشتی و ئەمان راگرتبێت.. وەكو ئێستای ئەوروپا بۆ ئێمەو موسوڵمانانی تری داڵدەدراو.. ئەمە بارودۆخێكە لەوانەیە بوارێكی باش بكاتەوە بۆ باسكردنی دیدو رێمان و موناقەشەكردنی لاڕێیان و ناساندنەوەی ئیسلام.. ئەمە كە رێی بانگەوازەكەی لێ نەگرتووین، ئێمەش موسالیمانە رەفتاری لەگەڵدا دەكەین و نامانەوێت بارگرژیی لە لایەنی ئێمەوە دروست ببێت.. ئەمە وەسیلەیەكە كە لە كۆنەوە پـێی ووتراوە شێوازی بانگەوازی ئاشتییانە.. ئەسڵیش ئەمەیە.. چونكە ئێمە لەم بارودۆخە هێدییەدا زیاتر دەتوانین بەرەی پێچەوانەی خۆمان بدوێنین و موناقەشەی ئەفكاریان بكەین.. هەر ململانێیەكیشمان كە لێرەدا هەیە، ململانـێی فیكرو بانگەوازە ئاشتیانەكەیە.. ئەمە بازنەیەكی كاركردنی ئێمەیە كە ئەوروپایە، كاری ئێمە هەقی نییە بەسەر دەوڵەت و كۆمەڵگەو سیاسەتی ئەو ووڵاتانەوە كە لـێی دەژین.. دژوارییەكیان لەسەر دروست ناكەین.. ستراتیجێتی خۆمان ناگۆڕین بۆ ساحەی ئەوان.. ساحەی كۆمەڵكاریی رەوتی ئێمە كوردستانە، لەوێش باشوورێتی كە خەڵكی ئەوێین و قۆناغێكی كاری ئیسلامیمان لەوێ بڕیووە..
ـ دەشێت بارودۆخەكە لە كۆمەڵگەیەكدا بێت هەمووی موسوڵمان بن، بەڵام لە سنوور دەرچوونی شەرع بووبێتە دیاردەی نێوانیان.. ئەم كۆمەڵگەیە پێویستییان بە بیرخستنەوەی مەسئوولییەت و هەستی بەرپرسێتی قیامەت و سزای خوا هەیە.. لە هەمان كاتیشدا دەشێت زانایانی شەرع و قازی و موفتیە گەورەكان و ووتاربێژە ناسراوەكان، یان رۆژنامەوانان و پیاوماقوڵان و بەرپرسانی دەزگاو رێكخراوەكانی كۆمەڵگەی مەدەنی و بەرپرسانی كاری ئیسلامی چ خۆیان چ كەسانی تر دابنێن تا فەرمان بە چاكە بكەن و بەرهەڵستی لە خراپە بكەن.. ئەمە كاری هەڕەمەكی نامەسئوولانە نییە، ئەمە كارێكی رێكخراوانەی كۆمەڵگە مەدەنییەكەی موسوڵمانانەو خەلیفەش ناتوانێت رێی لێ بگرێت، چ جای ئەوەی بتوانێت ئیلغای كاتەوە یان دەستێوەردانی تێدا بكات.. ئەمە پـێی دەوترێت (حیسبة).. لە سەردەمانی حوكمی ئیسلامدا ئەو كەسەی بەرپرسێتی حیسبەی پێ دەسپێررا مەرج بوو لە ریزی زانا موجتەهیدەكان و قازیەكاندا بێت.. بۆ ئەوەی هەردوو مەرجی فەتوای تێدا بێت: زانینی دەق وناسینی واقیعەكە، كە دوو بەشە: خەڵكەكەو زەمانی ئەو كاتەی خەڵك.
ـ دەشێت كاری رەوتەوانیمان كەوتبێتە بارودۆخێكی دیكتاتۆرانەوە كە نە دان بە بوونماندا دەنێ، و نە رێمان پێ دەدات دەركەوین و خۆمان بناسێنین نەدەشهێڵێت خەڵكەكە لێمان نزیك ببنەوە تا بمانناسن و بەرنامەو دیدو رێمان شارەزابن.. دەشێت ئێمە هەر داوای لێ بكەین كە بوارێك بۆ كۆمەڵكاریی رەوتەكەمان بكاتەوە، بەڵام ئەو بە هۆی هەبوونی هـێزی سەربازیی وموخابەراتی و شەقاوەیەتیی خۆیەوە، بە ئاگرو ئاسن وەڵاممان بداتەوەو بكەوێتە رێبەستنی بانگەوازو گرتن و ئەشكەنجەدانمان، بكەوێتە راوەدوونان و نانبڕین و كەناردانمان. ئەم دەسەڵاتە فـیرعەونییە هی ئەوە نییە بە رەفتاری نەرمونیانی پیاوچاكانە لابچێت.. كەوابوو دەبێت هۆكارو شێوازی شیاوی بەرامبەر بەكار بهێنرێت كە جیهادە.. جیهاد جگە لەوەی پەرژیـنی پاراستنی بانگەوازو بەها پیرۆزەكانی خەڵكەكەمانە، بازنەی ئاگری دەوری دووپشكەكەشە. بەڵام خۆ جیهادكردن (تفەنگچێتی) نییە!
جیهاد بەكارهێنانی هـێزە بۆ ناچاركردنی بەرامبەر تا ئیعتـیراف بە بوونت بكات.. بوونی خۆت وەكو كە هەیت، نەك بوونێك بە پێناسەی ئەوو لە فاڵبی ئەودا.. جیهادكردن قۆناغێكی كاركردنە كە دوای قۆناغی پەروەردە عەقائیدییە ئوممەتیەكە دێت.. هەر وەكو كە لە فیكری سیاسی سەردەمدا پێدەوترێت قۆناغی خەباتی سەربازیی، كە لە دوای قۆناغی خەباتی سیاسی دێت.. بێگومان ئێمەش وا دەبین و وا دەبزوێین، كە خۆمان دەزانین كەی ئەم قۆناغە دەبڕین و دەچینە قۆناغی داهاتووەوە، بڕیار دەدەین.. بڕیاری وا گەورەو دژوارو چارەنوسسازیش راپرسیی زۆرو راوێژكاریی زۆرو تاووتوێكردنی هەموو راوبۆچوون و ئەگەرەكانی رێ دەخوازێت.. والله اعلم.
*****